#Bitxigileak#Domentx Goldaraz Bitxigileak -Zilara-Urrea-Gemas-Harribitxiak-zinzilikariak-Eraztunak-Belarritakoak-Eskumuturrekoak.

OHAR KAIERA

Diamanteak eta lanketa motak

	Diamante landuetan motarik ezagunena “brillante” deritzana da. Mota honek forma borobila du eta gutxienez 57 aurpegi, zeinetatik 32 gutxienez goiko aldean baitaude, gehi taula, eta 24 gutxienez beheko aldean. “Brillante” izenekoaren definizio zehatz hau 1969. urtean eman zuen Confédération Internationale de la Bijouterie, Joaillerie, Orfèvrerie, des Diamantes, Perles et Pierres (CIBJO) erakundearen batzorde berezi batek, beste forma borobil zenbaiti “brillante” esan ziezaien saihesteko asmoz. Laburbilduz:
	a)	“brillante”, harria lantzeko mota bati esaten zaio; ez da material jakin baten izena.
	b)	“brillante” motak forma borobila du eta goiko aldean (koroa) gutxienez 32 aurpegi (taula sartu gabe); beheko aldean (ipurdia) 24 aurpegi gutxienez (culet deritzana sartu gabe).
	c)	Onartezina da harria lantzeko motei lotutako izenak (brillantea, baguette, arrosa) harriaren izen zehatza ondoan jarri gabe erabiltzea.
	d)	Salbuespen bakarra: diamantearen kasuan onartzen da bakar-bakarrik, “brillante” esaten zaion lantzeko mota bakarrik erabiltzea, harriaren izena aipatu gabe.